محمدماهر
عدد الرسائل : 53
العمر : 37
البلد : مصر
تاريخ التسجيل : 17/08/2007
 |  موضوع: فساتين زفاف صيف2007  السبت أغسطس 18, 2007 3:52 pm | |
|
وعدنا كل بنات "بص وطل" بتقديم مجموعة من المفاجآت وعرض كل جديد لكل مصممي الأزياء...
كانت معنا من أعداد سابقة مصممة الأزياء "هبة إدريس" وهي من المصممات القلائل المهتمات بدراسة التصميم علميا..
"هبة إدريس" مؤمنة جدا بأن المصمم الناجح وخاصة في مصر لابد أن يجيد التفصيل ورسم الباترون حتى يتمكن من تصميم أزياء تناسب طبيعة أجسامنا وأذواقنا.
في صيف قمر 14 الساخن جدا تعرض "هبة إدريس" مجموعة جديدة من فساتين الزفاف والسواريهات...
ونبدأ بالزفاف... يا ترى إيه الأفكار الجديدة؟
بصراحة الأذواق تغيرت وأصبحت البنات الآن بتفضل الألوان والموديلات الجريئة وأنا طبعا مع الجديد بشرط أن يكون مناسبا لنا..
إيه الجريء من وجهة نظرك والمقبول في نفس الوقت؟
بالنسبة للألوان، اللون "الأبيض" الصريح خلاص مش موضة قوي.. الموضه والجريء في نفس الوقت في الزفاف الألوان الترابية والبيج والفضي والذهبي ودرجة الأبيض السُّكري أو "off white"
وعلى فكرة أنا أميل جدا لاستخدام هذه الدرجات لأنها قريبة جدا من لون بشرتنا وتناسبنا أكتر.
من الحاجات الجريئة دخول ألوان مع اللون الأبيض زي اللبني والروز.
إيه أخبار الإكسسوار والتطريز!
التطريز موجود بأشكاله المختلفة وخاصة التطريز الملون.. في الترتر والفصوص الملونة الأزرق بدرجاته واللؤلؤ والكريستال.. المهم في التطريز إنه يكون متقن جدا وذوقه راقي.
الجريء في الإكسسوار الصيف ده "الورد الستان" و"الصدف" مع الفستان الفضي، يعني فستان الزفاف ممكن يكون لونه بيج غامق وعلى الصدر ورد "ستان" بدرجات اللون الأحمر.
هل ممكن العروسة تتخلى عن اللون الأبيض في ليلة زفافها؟
فيه بنات بتحب التجديد ويكون شكلها مختلف عن أي عروسة تقليدية... وفيه بنات بتخاف تجرب حاجة جديدة يوم فرحها كل واحدة حسب شخصيتها... علشان كده العروسة بتكون في ذهني طول الوقت وأنا باصمم فستانها، مهم قوي عندي أظهر شخصية البنت اللي هاتلبس الفستان.
والجديد في القصّات وخاصة للمحجبات..!!
البنت المحجبة هي هدفي الأساسي ودايما بادوّر على الموديلات اللي تخليها تتمسك بحجابها أكتر يوم الزفاف.
موضة جدا الكرانيش الأدوار، دور ستان، ودور تل، وعلى فكرة الموديل مناسب جدا للقوام الممتلئ.
البنات بتهرب من الكرانيش عشان بتعتقد إنها بتتخن أكتر؟
ده مش صحيح أبدا.. الفكرة ازاي هاستخدم الكرانيش..!! في حالة القوام الممتلئ هايكون الفستان قطعتين، القطعة الأولى كورساج ضيق من فوق، والقطعة التانية جيب بكرانيش تبدأ من منتصف الأرداف.
. هذا الموديل يخفي عيوب الجسم وخاصة منطقة البطن والأرداف، المهم يكون باترون الفستان مناسب لمقاس العروسة عشان فيه مصممين بيستخدموا باترونات جايه من بره بمقاسات مختلفة عنّا تماما، والنتيجة إن الفستان بيكون مش مناسب حتى لو تم تعديله بعد كده.
و"الدرابيه" إيه رأيك فيه.. وهل هو مناسب لأي جسم ...!!
طبعا مناسب.. المهم استخدامه بطريقة تناسب شكل جسم العروسة عشان يساعد في إخفاء أي عيوب.. "الدرابيه" المطرز من الحاجات الجميلة وبتظهر جهد المصمم.
وبالنسبة للسواريه..!!
السواريهات يفضل أن تكون في الغوامق من أي درجة على حسب ذوقك، لكن الجديد دخول ألوان جريئة مع بعض في السواريهات زي الأحمر والأخضر والأصفر والموف الغامق،
أما بالنسبة للأقمشة الجميلة جدا في السواريه فهي التل والستان والحرير المطرز.
أهم حاجة يكون الفستان "بسيط ورقيق وبيظهر جمال الجسم وبيخفي عيوبه".
| |
|
