واحد صعيدي سمع عن خطف الطائرات قام خطف القطر بتاع القاهرة اسوان وقال للسواق اطلع ع العراق !
---------------------------------------------------------------------------
واحد كريم اوي بيته ولع جت المطافي تطفيه - قالهم والله ما تمدو ايديكو ف حاجه الا لما تشربو القهوه
--------------------------------------------------------------------------
ديك بيقول لفرخه ليه بتسيبيهم ياخدو البيض وانتي ساكته - قالتله احسن من اللي بياذن ومبيصليش
-------------------------------------------------------------------------
ساله واحد ندل تتمنى ابوك يموت وتورثه قالهم لا اتمنى يتقتل واخد ديته واورثه
-------------------------------------------------------------------------
واحد ندل فتح محل بقاله كتب على قزازة البيبس رج الزجاجه جيدا قبل الاستعمال
------------------------------------------------------------------------
قزم راح يفصل بدله كامله سال الترزي اجي استلمها بعد اد ايه ؟ قاله قيمة ما تشرب الشاي
------------------------------------------------------------------------
واحد بيصلي بخشوع تام واتنين قاعدين جنبه يقولو يا سلام على التقى والورع والخشوع قام قطع الصلاه وقالهم لا وكمان صايم
------------------------------------------------------------------------
جمل وبرص اتجوزو خلفو جمل صغير بيمشي ع الحيطه
--------------------------------------------------------------------------
واحد مسطول ماسك فرخه عمال يضرب فيها - كل يوم بيض بيض مفيش يوم جبنه
--------------------------------------------------------------------------
صعايده بيتفرجو على الكابتن ماجد في التلفزيون لما خد الكاس طلعو ع الدائري يهتفو
--------------------------------------------------------------------------
تلت صقور واحد امريكي وصقر انجليزي وصقر صعيدي اتراهنو على اسرع واحد يصطاد - بعد تلت دقايق رجع الصقر الامريكي وعلى بقه دم قالوله عملت ايه قالهم شايفين الجبل اللي هناك اصطدت وراه فيل وكلته طلع الصقر الانجليزي ورجع بعد خمس دقايق - سالوه عملت ايه قالهم شايفين البيت اللي هناك ده قالوله اه قالهم اصطدت منه خروف وكلته - طلع الصقر الصعيدي رجع بعد نص ساعه قالوله عملت ايه قالهم شايفين العامود اللي هناك ده قالوله اه - قالهم انا بقى مشفتوش
--------------------------------------------------------------------------
فيه حفره في الشارع كل يوم هريدي يقع فيها اجتمع مجلس الصعيد عشان يحل المشكله واحد قال احنا نحط عربية اسعاف جنب الحفرة عشان اول ما هريدي يقع نلحقه على طول - واحد تاني قال لا احنا نبني مستشفى جنب الحفره احسن - قام رئيس المجلس قال لا احنا احسن نردم الحفره ونعمل حفره بدالها جنب المستشفى
-------------------------------------------------------------------------
ذباب _ دبان يعني - كان قاعد في قوضه مع ناس بتحشش جه يخرج لقى الباب مقفول قال نستنى لما يخلصو ويفتحو الباب ونخرج - الجماعه شربو خمس ست حجاره مغمسه الدبان نزلهم من السقف وقالهم وسع للصقور افتحو الباب يا غجر
-------------------------------------------------------------------------
اربع ستات عواجيز بيلعبو كوتشينه - اتخانقو ع الشايب
-------------------------------------------------------------------------
تلاته رجاله في المستشفى مستنيين مراتاتهم يولدو - طلعت الممرضه قالت للاول مبروك جالك توأم قال ياسلام عشان انا شغال في شركة تو - ام - بعد شويه طلعت للتاني وقالتله مبروك جالك تلات توائم قال ياسلام ع الفال السعيد عشان انا شغال في شركة ثري - ام قام التالت طلع يجري على بره قالوله رايح فين قالهم رايح اقدم استقالتي اصل انا مدير شركة سفن اب
-------------------------------------------------------------------------
تلاته محششين الشرطه كبست عليهم جريو استخبو في تلت اشوله - شوال- قام الظابط بيدور عليهم شاف الشوال الاول - راح شايطه برجله عشان يعرف جواه ايه راح المحشش قايل واك واك - بيقلد البطه - سابه وراح للشوال التاني - شاطه برجله رايح المحشش اللي جواه قايل كوكوكو - بيقلد الديك - راح الظابط للشوال التالت وراح شايطه برجله - مفيش صوت - شاطه تاني - برضه مفيش صوت - فتح الشوال طلعله المحشش التالت وقاله - بطاطس تفتكر هقول ايه يعني
-----------------------------------------------------------------------
واحد صعيدي خلف ولدين سمى الاول علي والتاني ابراهيم - تعرف ليه ؟ عشان يقولوله يابو نورا
------------------------------------------------------------------------
واحده ست كبيره اوي وصل عمرها 120 سنه قالت تيت تيت تيت
-----------------------------------------------------------------------
واحد صعيدي وقع في بير قعد ينده على اصحابه جم بسرعه ورموله حبل وقعدو يشدو لحد ما طلع لقيوه ميت - ليه ؟ كان رابط الحبل في رقبته
----------------------------------------------------------------------
تلاته صعايده بيمتحنو امتحان نهائي للتخرج سالو الاول 5 في سته بكام قال ب 825 سالو التاني خمسه في سته بكام قال بيوم الجمعه سالو التالت خمسه في سته بكام قال بتلاتين استعجبو وقالوله عرفت ازاي قالهم طرحت يوم الجمعه من 825 طلعت تلاتين
موضوع: احلى اخر نكت منوعه 
الأحد مارس 02, 2008 5:15 am
