موضوع: اختراق الياهو - فايروس جديد في صندوق الشات الجمعة سبتمبر 21, 2007 7:54 am
اخر الاخبار العاجله انطلاق النسخه الاولى من فايروس مجهول الاسم يدخل لك عن طريق صندوق الشات الصفحه التي يتم فيها تبادل الحديث الكتابي الخاصة بالياهو وهو عبارة عن رابط بعنوان جميل باللغه الانجليزية طبعا مفاده " شاطيء الجنس - للرجال فقط - ملكة جمال الكون " وطبعا هنفرح بالرابط ونعمل عليه كليك عشان نشوف القمر !! تفاجأ بلخبطة في الياهو نفسه حيث يقوم بغلق نفسه ثم اعادة الفتح من جديد حيث يكون في هذه اللحظه قد قام بارسال هذا الرابط الى كل المسجلين عندك في الايميل - ويا للكسوف !!!!!!!!!! تكون بتكلم واحد محترم ويلاقي وصله منك بتقوله خش على موقع سافل -- طبعا انت متعرفش حاجه عن الكلام ده لكن هنعمل ايه اهو ده اللي حصل -- المهم استنى ده لسه المصيبه الكبرى اللي ملهاش حل الا بعمل فورمات للوندوز ! ايه هي بقى المصيبه دي اقولك يا سيدي : لما بتضغط على الرابط بتتفتح صفحه .. تحط نفسها الصفحه الرئيسيه اللي بتفتح لما تشغل الانترنت اكسبلورر .. يعني كل ما تيجي تفتح صفحه جديده تنطلك الصفحه الزفت دي طيب هتقول احنا ممكن نمنعها ؟ طبعا لأ مش ممكن ؟ ليه ؟ لانك هتفتح التوولز tools وبعدين الانترنت اوبشنز internet options ومن جنرال general هتحاول تخلي صفحة الاكسبلورر الرئيسيه زي ما انت عاوز - هتلاقي الخيار ده معتم اي dim يعني بالعربي مقفوليعني مش ممكن تغييره ! حلو الكلام ؟ لا مش حلو طيب نحاول نروح للريجيستري ونشيله ! برضه مش ممكن لانك هتلاقي الطريق اللي بيوديك للريجيستري مش موجود اللي هو start وبعدين run وبعدين regedit هتلاقي run مش موجوده من اساسه ! هههههههههههههه لغاية كده حلو ؟ برضه لا لغاية كده زفت المهم هتلاقي الفايروس موجود في العمليات الخلفية للجهاز يعني في الصفحه اللي بتطلعلك لما تضغط alt + crl+del عارفها طبعا كلنا عارفينها اللي بنلجأ ليها لما لعبه تهنج طيب نحاول نشيل الفايروس من هنا ؟ للاسف دي مش هتفتح اصلا وهيكتبلك رساله لما تضغط على التلت مفاتيح بتقولك انك مش مدير عشان تدخل هنا . الحاجه الاخيره المطمئنه هي ان الفايروس ده الكاسبر بيقفشه ويشيله بس في اوله لكن لو ضغطت على الرابط !!!!!!!!!!!! اخ هتدخل في المتاهات اللي شرحتهالك وفي الاخر هتستب نسخة ويندوز يعني حاول تجهزها من دلوقتي لانك يا حلو لو انت ما ضغطش على الوصله فيه في البيت الف مين يضغط ومش هتلحق توقفهم.. اسيبكو بقى تجهزو نسخ الويندوز بتاعتكم
محمد نت
عدد الرسائل : 313 العمر : 38 البلد : مصر تاريخ التسجيل : 18/10/2007
موضوع: رد: اختراق الياهو - فايروس جديد في صندوق الشات الأربعاء أكتوبر 24, 2007 7:35 pm
هههههههههههههههههههههههههههه مشكوووووووووووووووووور على المعلومات دى
موضوع: اختراق الياهو - فايروس جديد في صندوق الشات 
الجمعة سبتمبر 21, 2007 7:54 am
