لعنة الفراعنة والزيبق الاحمر

اولا قبل ما اتكلم في موضوعي انا عاوزه اشكر بجد المنتدى علشان عمل القسم ده
ثانيا بقى انا هتكلم عن موضوع لعنة الفراعنه
تفتكروا فعلا في حاجه اسمها لعنة الفراعنه و لادي خرافه و لا أيه؟بصوا يا جماعه انا زيكم في الموضوع ده نفسي اوصل لحاجه فيه بس اهو انا هقوكم عن اللي قرأته و عن اللي سمعته من ناس عايشين في الاقصر و اسوان مكان مابيكون في أثار
من الناحيه العلميه يقال ان الانسان لما بيموت و بيتحلل بيتكون غاز مسمم و طبعا بيزيد بمرور الزمن و بالذات في الاماكن اللي بيكون فيها صخور و اول ما بتتفتح المقبره بيخرج الغاز و بالرغم من انه خامل لكن ليه تأثير مدمر على الرئه في ثواني قليله اوي بيدمر الرئه و طبيغي الانسان بيموت بعدها علطول و انا شايفه انه فعلا ممكن تكون دي حاجه صح
بس تعرفوا الفراعنه دول اذكياء اوي و الله لسببين :
1_لانهم اصلا مدفونين في الصحراء او في مكان فيه صخور فطبيعي كانوا عارفين ان الغاز ده بيزيد في الاماكن دي فطبيعي محدش يقدر يسرق الكنوز اللي معاهم.
2_تاتي حاجه عارفين اسمع انهم كان بيتعمدوا انهم يحطوا شوية تعابين صغيره عارفين ليه؟
التعبان ده لما بيكبر اوي بيبقى اسمه الكبرى الكبرى ده بقى بيكون اعمى يعني لما التعبان بيكبر و يوصل لسن معين و اللي بنسميه بقى بالكبرى بيكون اعمى تعرفوا بيشوف ازاي او بيحس باللي قدامه ازاي؟بالذهب !!!!!!!!!!!!التعبان ده بيكون معاه جوهره غاليه اوي بيرميها لبعيد و على اساس اشعاع الضوء بيتعاها اللي هو بيحس بيه يعني لو الجوهره دي اتخدت منه بيموت صح؟
فالباحثين بيستخدموا حاجه اسمها الزيبق الاحمر!!!!!!!!!!!دي بتعزل النور او اضاءة الجوهره عن الكبرى بعدها بيموت
ايه بقى حكاية الزيبق الاحمر ده؟؟؟؟؟و ياترى فعلا فيه جن؟
يقال انه الزبق الاحمر ده اول مابيخرج من الانبوبه بينط كتير لحد ما يوصل لمكان المكان ده فعلا بيكون فيه اثار بجد و بيسموا الاثار في المكان ده (اللقيه)
بعد كده قبل مايطلعوا الاثار بيخدوا الزبيق الاحمر و بيرموا في حفره طويله علشان يموت التعبان
بس عارفين يا جماعه للاسف و اللي يزعل بجد ان الناس بتعمل كل ده من غير ماحد مايعرف من الحكومه او من المسؤلين و بيهربوا الحاجات دي و بجد بقى ناس كتير اوي فقراء و مره واحده بيتغنوا و لا حد بيسألهم ليه و لا منين سبحان الله!!!!!!!!!!!!!!!!!
يارب يكون الموضوع عجبكم و ياريت اشوف بقى ردود حلوه انشاالله حتى كلمة شكرا علشان بجد يا جماعه الواحد سعات بيتعب في الموضوع و مايلاقيش حد رد بالرغم من ان ناس كتير بيكون قرأوا الموضوع و لو حتى ماعجبكمش ممكن تقولوا مش هزعل لأن كل واحد حر في رأيه
و بردوا عاوزه اقول انا مش عارفه فين الحقيقه في موضوع اللعنه دي