الرئيسيةاليوميةمكتبة الصورس .و .جبحـثالتسجيلدخول

شاطر | 
 

 قسمة ونصيب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
masriaana
المدير العام
المدير العام


عدد الرسائل : 1350
العمر : 36
تاريخ التسجيل : 04/08/2007

مُساهمةموضوع: قسمة ونصيب   الخميس فبراير 07, 2008 1:55 pm

من صغرهم وهما مع بعض
طفل وطفلة ... بنت وصبى .. شاب وفتاه .. الا ان كبرا
عاشوا حياتهم فى حلم بعد ما كان عمر الواحد فيهم 21 سنه
وفى يوم الشاب انتقل للعمل فى بلد الفتاة بعد ما ابوها ترك البلد الاصلية وسكن فى محافظة تانية
ولانها قريبته .. اهلها رفضوا انه يسكن بعيد عنهم
ولان البيت كله ملك الاب
فكان من السهل انه يسكن معاهم بدون احراج
وقبل انه يسكن معاهم بعد ما كان متردد رغم صلة القرابة الكبيرة اللى بينهم
وبدأت الذكريات تعيد نفسها وطبعا مكنتش ذكريات وبس
فيه شىء مترسب وشىء راسخ فى القلب
لكن الشاب كان خجول جدا وعاقل ورزين
والبنت كذلك الامر
اجمل ماكان فى الموضوع ساعة كانوا يقعدوا مع بعض وميتكلموش
بس كانت عنيهم هى اللى بتتكلم
صاحبنا كان زيى كدا مدهول ومبيعرفش يتكلم لكن لما كان بيقعد لوحده
كان بيعبر عن اللى جواه
وفى يوم بعد ما خلص شغله ورجع البيت
لقاها محضرة ليه اختبار مكون من 20 سؤال ولازم يجاوب عليهم
قالها موافق ومسك الورقة وقعد يقرا
اول خمس اسئلة عن الهوية الشخصية وبعدها كان
هل تؤمن بالحب من النظرة الاولى ؟؟
لا
هل تحب ؟؟
كلا انا احيا به
وان كنت فمن هى ؟؟
عندما اشعر بإحساسى تملّكها سأحبرك
هل تحبك ؟؟
اشعر بذلك
فلما لا تصارحها ؟؟
لم تأت فرصة مناسبة
هل تعتقد انها ستكون لك ؟
جل ما اتمناه ذلك
لماذا احببتها ؟؟
لانه القدر
ولماذا احبتك ؟؟
مازالت صغيرة
صفها لنا ؟؟
لا استطيع
هل احببتها لروحها ام لانها امرأة ؟؟
الاثنين معا
فلما لا تتقدم ؟؟
مازلت صغيرا
هل تخاف من الرفض ؟؟
متأكد انهم سيرحبون بى
هل صارحتها بحبك ؟؟
نعم بالنظرات
هل يعرف احدا بهذا الحب ؟؟
لم اخبر احدا حتى هى
هل انت مقتنع بتصرفك تجاه هذا الحب ؟؟
انا لا اسبق الاحداث لانى مؤمن بالقدر

صاحبتنا استلمت منه الورقة وقالتله
كنت عارفه انك مش هتدينى عقاد نافع
قالها
يارب تكونى مصدقانى
نظرت له ، ابتسم وعنيه بتلمع ، ابتسمت وقالت
ربنا يقرب البعيد
بعدها بيومين جات وقالتله
انت مكتبتش حاجة الفترة اللى فاتت
اصله كان عامل نفسه شاعر
لا بس فيه كلمتين عايز اقولهم لك
قول
قال
عنيك الجميلة
بتوحى بحاجات
بتوحى بمدينة
بتفرح ساعات
وتحزن ليالى
دموعها سكات
ياريتك تهدى
جبال السكات
عنيكى بتوحى
برفضى وقبولى
ببسمة بشوفها
فى ساعة وصولى
ودمعة لقيتها
فى لحظة نزولى
لكن بعد ماامشى
هتنسى اللى فات
ياريتك تهدى
جبال السكات
عنيكى سكاتهم
يتوه الوف
وصفحة كلامهم
عديمة الحروف
فى اول سطورها
كتبتى الظروف
وآخر سطورها
بتمحى اللى فات
ياريتك تهدى
جبال السكات
-----------------
قالتله
وهى ليه ساكته
يمكن عشان انا كمان ساكت
طيب ما تصارحها وتريح نفسك
دلوقتى هقوم اصارحها
وسبها ودخل يتفرج على التلفزيون
دخلت وراه بعد فترة
ليه مرحتش
اتصلت بيها
ازاى معندكش تليفون
لا اتصالتنا مش محتاجة
ايه الرومانسية دى
دى الحقيقة وانا اتاكدت ان مشاعرى وصلت لها
يا بختها
يابختى انا

لكن تـاتى الرياح بما لا تشتهى السفن
فى يوم قرر ينهى اعماله ويرد بلده لاسباب
وعشان مطولش
مش هحكى ايه اللى حصل فى الوداع
تقريبا كان قلبهم حاسس
وبعد فترة من رجوعه
جاله خبر انها اتخطبت
--------------------------
طب ازاى دى عارفه كل حاجة انا كنت عزمت انى اتكلم
دا الناس كلها تقريبا عرفت
انا مخلتش حد من صحابى الا وقلت له والمصيبة انهم يعرفوها
طب اعمل ايه دلوقتى

قاعد مع اهله وسرحان
والدته بتقول له مش هتروح الخطوبة
خطوبة مين ياحجة
ايه نسيت
اه اه معلش اصلى كنت مشغول شويه
اللى واخد عقلك
ياريته يخليه معاه على طول
كل شىء اسمة ونصيب يابنى وبعدين انت راجل عاقل والحياة مش هتقف وانت مقلتش لحد
انت بتقولى ايه ياامى
كلنا عارفين الموضوع انت لسه صغير والعمر قدامك وبعدين عين العقل اللى عملته ؛؛ مش معقول هتعرف تعيش هنا
ليه ياامى
اتعودت يابنى على عيشة غير عيشتنا وبعدين ابوها حالته متيسرة عنك كتير
ياستى سيبيها لله وربنا يسعدها

لكن حاسس ان روحه بتروح منه .. صدره ضايق .. مخنوق .. عيب انه يبكى
صعب ان اهله يشوفوه ضعيف
لازم يظهر لصحابه انها مكنتش اكتر من نزوه

________________
وجه اليوم الموعود
وراح وقام بالواجب على اكمل ما يكون .. والناس كلها شكرته على اهتمامه
لكن كان دايما يدارى منها ومن المواجهة
وكل ما يلاقى فرصة .. يروح يقعد لوحده
لكن كانت صدمة انه دخل مرة غرفة من غرف البيت على اساس انه ينفرد بنفسه ؛؛؛ لكن لقاها قاعدة بتبكى
يعمل ايه فى موقف زى ده ؛؛ اتمسخ مكانه وحركته اتشلت ؛؛ لا هو اللى قادر يرجع ولاهو اللى قادر يدخل
بصتله وقالت
بتهرب منى ليه ياحبيبى
حبيبك؟
ايوا ونور عينى وروحى كمان
انت بتقولى ايه يابنت الحلال الله يهديك
اللى سمعته ايه معدتش بتحبنى
انا انا استغفر الله العظيم

انت ايه لسه هتكابر ؛؛ عارفه اللى جواك وعارفه انت عاوز تقول ايه لانى حاسه بيك وكمان مش بقول انك مش راجل ؛؛ اى نعم انا هكون فى عصمة راجل بعد اسبوعين لكن كنت اتمنى ان الراجل ده يكون انت ؛؛ صعب فى زمانا تلاقى انسان عنده قوة تحمل زيك ..قلبه ابيض وشهم ؛؛
ياااااااااااه ياصبرك وقدرت تيجى وتحضر زفتى على غيرك ومستحمل اللى جواك

لأول مرة يضعف وميعرفش يرد لكن استجمع شجاعته وقال
حرام عليك تعذبى نفسك اكتر من كدا وكمان معدش ينفع اننا نتكلم فى الموضوع ده لانك فى ظرف ايام هتكونى فى عصمة واحد تانى ؛؛ استحلفك بالله انك تخلصى ليه وتعامليه على انه زوج لان ملكيش غيره دلوقتى ؛؛ اما انا فليا ربنا ثم ذكرياتك ؛؛ كل شىء اسمه ونصيب لكن صدقينى
عمرى ما اتمنيت شى قد ما اتمنيت اشوفك واروى عينى من حلاك وتلمس كفوفى كفوفك ؛؛؛ لا اعذر بالظروف ولا تعاملينى بخوف حتى انا عندى ظروف يمكن اصعب من ظروفك ..
قال الكلمتين دول ومقدرش يمسك نفسه اكتر من كدا

__________________
قامت من مكانها وطلعت تجرى عليه
انت بتعمل ايه عيب
ربنا عايز كدا
واحنا مؤمنين
الحمد لله
طب تبكى بالدموع
غصب عنى معدتش قادر
حاسس ان عمرى انتهى ظلم
استغفر ربنا انت طول عمرك مثلى الاعلى فى الصلابة هتخلينى اكفر ليه دلوقتى
استغفر الله العظيم

_____________
سكت وفى لحظة عنيهم كانت رايحة لبعضها
بعدها قلها الف مبروك
وسابها وخرج
_____________________
فاتت الايام وجه يوم الفرح
وبعد كتب الكتاب خد جوزها على جنب وقاله
أمانة فى رقبتك ليوم الدين ووالله ما تشتكى منك ما حد هياخد حقها الا انا
عيب متقلش كدا دى فى عنيا الاتنين
طيب قلها الكلام ده قدامى
يا سلام انت تأمر
خد جوزها ورحلها
جوزها قلها

قريبك ياستى بيوصينى عليك
قالتله ماهو هو اللى ليا فى الدنيا دى كلها
ربنا ما يحرمكم من بعض
رد وقال ويسعدكم ويرزقكم بالزرية الصالحة


آخر مشاهد المأسآة كان ساعة الزفة
جاية من الكوافير ومعاها جوزها طبعا وبالصدفة صاحبنا واقف جنب الكوشة
والعربية اكيد هتقف فى نفس المكان
العربية دخلت ؛؛؛؛ وقفت العريس طلع
الشاب واقف قدام باب العروسة بالظبط
العريس بيلف عشان يفتح لعروسته
عنيهم جات فى بعضها
رفع عنيه لفوق
شاف العريس
باركله وحضنه
العريس قاله
انت قلت انها هتكون إيه
قاله أمانة
قله ممكن تسلمها لىقاله يزيدنى شرف

وفتح الباب لحبيبة قلبه وحلم عمره عشان ياخد ايدها يحطها تحت دراع راجل غيره ويمشى معاهم لغاية ما يقعدوا فى الكوشة ويكون اول المهنئين وأول المجروحين وآخرهم
____________________
لكن خد ركن لوحده وقال
لو كنت بتحبها صحيح
اتمنى ليها الخير
لان اسمى معنى الحب
هو التضحية


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://roodyhood.ahlamontada.com/
hitman



ذكر
عدد الرسائل : 7
العمر : 36
البلد : 0121987866
تاريخ التسجيل : 09/02/2008

مُساهمةموضوع: رد: قسمة ونصيب   الخميس فبراير 21, 2008 2:28 am

قصة رائعه تسلم ايدك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
masriaana
المدير العام
المدير العام


عدد الرسائل : 1350
العمر : 36
تاريخ التسجيل : 04/08/2007

مُساهمةموضوع: رد: قسمة ونصيب   الخميس فبراير 21, 2008 11:54 pm

اشكرك على مرورك الكريم واتمنى ارى مشاركاتك لتفيدنا

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://roodyhood.ahlamontada.com/
Admin
Admin


عدد الرسائل : 3514
تاريخ التسجيل : 03/08/2007

مُساهمةموضوع: رد: قسمة ونصيب   الأحد مارس 02, 2008 11:01 am


_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://roodyhood.ahlamontada.com
 
قسمة ونصيب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رودي هوود :: قسم القصص والروايات-
انتقل الى: