كما وعدت الحمد لله شرح سيلك روود المفصل

عدد الرسائل : 11 تاريخ التسجيل : 06/08/2007

لو عجبتك اللعبة تعالى نشوف هتشغلها ازاي :

1- الاول اللعبة دى الجرافيك بتاعها عالى جدا فهتحتاج متطلبات عالية فى الجهاز ... فبتحتاج كارت شاشة ع الاقل 32 ميجا و رامات ع الاقل 256 ميجا و directX9c.

2- بعد ما تنزل اللعبة تسجل اسمك و كلمة السر فى الموقع الرسمى للعبة www.silkroadonline.net

3- بعد ما تسطب اللعبة و هى بتنزل فى حوالى 2جيجا تقريباا ... بيطلب منك تختار سيرفر تلعب عليه ... انا عن نفسى بلعب فى سيرفر لBaBel
4- بعد كده بتختار شخصية ولد او بنت ... و بتغير فى شكلها فى الطول و الوزن و الوجه و الملابس و خلافه .

5- و بكده تكون جاهز لاثبات جدارتك و تمشى فى طريق Silk road .

شرح لجميع انواع الملابس والسحر والاسلحة

اوكى يا شباب نبدا مع اول حلقة شرح فى اللعبة .....

نبدا الاول مع ال Builds

اول build هى ال pure str يعنى تخلى كل النقط بتاعتك str و ميزة الطريقة دى انها بتخلى ال hp بتاعك عالى جدا و ال defence بتاعك عالى جدا و ال phy dmg عالى جدا بس ال mag dmg قليل جدا
و قوة الشخصية دى بتظهر فى ال pvp او player vs player .

تانى build معانا هو ال pure int يعنى تخلى كل نقطك int و ميزة الطريقة دى ان ال mp بتاعك بيكون عالى جدا و السحر بتاعك قوى جدا بس ال hp بتاعك قليل جدا و ال defence قليل جدا و عيب الbuild ده انك ممكن تموت بسرعة لكن ميزه الرهيبه انك بتعمل dmg عالى قوى

اخر build و ده اللى مشهور اوى و هو ال hybrid و ده فى منه تلات انواع 1:2 و 2:1 و 1:1
و ده فى ناس بتسميه balanced او mixed و زى واضح من الاسم فده بيساوى بين ال str و ال int و ميزة الطريقة دى انها بتخلى ال lvl بتاعك يعلى بسرعة و قوية فى ال pvm او player vs mobs لكن ضعيفة فى ال pvp و ال guild wars .

نيجى بقى لحاجة تانية مهمة و هى نوع اللبس بتاعك ....

فيه تلات انواع ملابس .....

اول نوع ال Armor و ده ال phy defence بتاعه عالى بس ال mag defence قليل
و كمان بيزود قدرتك الهجومية فى ال phy و ده ينصح باستخدامه اللى هيحط النقط بتاعته فى ال str اكتر او لو انت هتحارب لاعب بيستخد م ال str فهتحتاجه برضه و ملحوظة مهمة ال armor ابطء لبس فى الحركة .

تانى نوع هو ال germant و ده ال mag defence بتاعه عالى بس ال phy def بتاعه قليل و بيزد قدرتك ال هجومية فى ال mag و ده بينصح باستخدامه للى هيتخخصوا فى السحر او لما تلاعب واحد متخصص سحر ... و ده اسرع لبس فى اللعبة.

اخر نوع بقى هو ال protector و ده الوسط بين الاتنين و اكيد بينصح بيه للناس اللى هتبقى hybrid او mix .

نيجى بقى لتالت حاجة ... و هى انواع السحر فى اللعبة

فيه عندك اربع انواع سحر cold و lighting و fire و force
كل واحد ليها ميزة و يفضل مع اسلحة معينة ....
عشان كده هشرح الاسلحة و السحر مع بعض
فانت عندك خمس انواع اسلحة
Sword
و ده يفضل استخدامه مع السحر اكتر و يمتاز بقوته السحرية المتوسطة و قوته الphy الضعيفة
و السحر المضل معاه lighting كقوة اساسية و ال cold للمساعدة ...سريع فى الحركة لكن مداه قصيرBlade
و ده يفضل استخدامه لو انت str اكتر لانه بيمتاز بقوته ال phy المتوسطة و ال mag الضعيفة
و ده يفضل معاه ال fire كقوة اساسية و ال lighting او cold كقوة مساعدة و زى السيف سريع فى الحركة و مداه قصير

Spear
و ده برضه يفضل استخدامه مع السحر اكتر و يتميز بقدرته السحرية الاعلى من السيف و قوته الphy المتوسطة و ده افضل قوة ليه هى ال lighting و ممكن تاخد معاه ال cold مساعدة
و ال spear بطئ فى الحركة و مداه طويل
Glaive
و ده قوته ال phy اعلى من ال blade و قوته ال سحريه متوسطة ... و ينصح باستخدامه مع الstr
و ده افضل قوة ليه ال fire و ممكن تاخد معاه ال cold او lighting كقوة مساعدة و برضه بطئ فى الحركة و مداه طويل Bow

و ده قوته السحرية و ال phy متوسطين لكن ليه ميزة رهيبة و هى الضرب من مسافات بعيده و ليه عيب برضه و هو الاسهم بتاعته اللى لازم تكون محضرها معاك ... و ده يفضل جدا معاه ال cold اساسى و ال lighting مساعدة .

فيه ناس اكيد هتسالنى عن ال Sword و ال Blade ايه اللى مخليهم اضعف من ال Spear و ال Glaive .....و ده لان ال sword و ال blade ليهم ميزة رهيبة جدا اسمها ال shield
و ال shield ده ساعات بيغير مجرى الحرب فى اوقات كتير لانه ممكن يعمل block لهجمة بكاملها و لما تعلوا فى ال lvl هتعرفوا فايدة انكوا تصدوا هجمة بكاملها زى هجمات ال nukes مثلا .

ناقص اتكلم عن نبذة مختصرة عن كل force ....
ال Lighting : و ده ال dmg بتاعه قوى جدا و ممكن ينقل الكهرباء لناس حواليك لو انت بتحارب اكتر من وحش و ده بتعتبر ميزة و عيب فى نفس الوقت لانك ممكن لما تنقل الكهرباء لوحوش كتير هتلاقيهم كلهم اتلموا عليك
حاجة تانية ال lighting ممكن يخلى اللى انت بتحاربه يوصل لحالة ال shocked او ال palarlized او اقوى ميزة لل lighting هى انه بيدى سرعة اكتر للسلاح اللى بتستخدمه .

ال fire : و ده ليه قوة ها ميزة مهمة جدا و هى ال burn و دى ممكن تخلى عدو يحترق و تنقص صحته اوتوماتيك بالتدريج و النوع ده مفيد جدا للناس اللى هتستخدم اسلحة كبيرة زى ال spear و ال glaive و تقريبا يعتبر اقوى dmg فى كل القوى بسبب الخاصية دى ....

ال cold : و ده كل الناس بتخاف منه فى مباريات ال pvp و ده لانه عنده خاصيتين قويين جدا و هما ال frost bite و ال freezing الاول بتبطئ عدوك جدا و التانية بتجمده و دول بيفيدوا جدا فى عمل اكبر dmg مع ان ال cold يعتبر اقل القوى فى ال dmg ....

ال force : و ده القوة العلاجية فى اللعبة و ممكن اى حد يستخدمه مع اى سلاح فمعاه تقدر ترجح صحتك او صحة اصحابك بل كمان ممكن تحيي واحد من اصحابك اللى ماتوا .. و مزايا تانية كتير بس كلها مزايا دفاعية اقل منها هجومية ....

ملحوطة الاختيارات اللى انا كتبتها دى مجرد ارشادات ليك ... يعنى مش لازم تلتزم بيها ممكن تجرب كل الاسلحة و كل القوى و تشوف انت مرتاح مع ايه و حاسس انك هتتميز فيه ... فى الاخر دى شخصيتك انت و اختياراتك هى اللى هتخلى ليها شكل خاص ...

شرح ال Party , SOS , Elixirs , Alchemy

نبدا بال Party : ال party هو روح كل العاب MMPORG لانه بيدى معنى للمشاركة و التعرف على اصدقاء ... و فى لعبتنا دى فى تلات انواع party او ممكن نخليهم اربع انواع ...

اول نوع هو exp each get ... items each get ... و النوع ده هو المنتشر لانه لا يسمح بالتشارك فى الexp و ال drops او ال loots فكل واحد بياخد ال exp و ال items اللى بيلاقيها بدون ما يشارك فيها مع حد ... الميزة الوحيدة فى البارتى دى هى ال bonus exp
يعنى بتاخد exp زيادة شوية عن ال exp بتاعتك مقابل انك عملت party ...
و النوع ده من ال party مينفعش يزيد عن اربع اشخاص

تانى نوع هو exp auto share ... item each get
و النوع ده بيخلى كل الشتركين فى ال party يتقاسموا ال exp اللى بيحصلوا عليها مع بعض
يعنى نفرض ان ال party فيها 10 اشخاص و ال 10 دول قتلوا 200 وحش ال 200 وحش دول ال exp اللى طلعت منهم تتقسم عليهم بالتساوى ... بس طبعا فيه قيود ... لازم تكون فى مسافة قريبة من ال party يعنى لو بعدت عنهم هتلاقى لونك اتغير و ده معناه انك مش هتاخد اىexp و لو صاحب ال party لقاك قاعد مبتحاربش و بتعمل زكى و بتاخد exp ببلاش ممكن يطردك
و النوع ده ميزته انه بياخد عدد كبير من الناس بس عيبه اللى معظم الناس مبتحبوهش انه بيحسسك انك فى نظام شيوعى ... يعنى ممكن واحد يقتل وحوش كتير وواحد تانى يقتل وحش واحد و فى الاخر بيتشاركوا مع بعض ... عشان كده النوع ده بيتنفذ بين الاصحاب لما يكونوا عايزين يحاربوا وحش قوى ...

النوع التالت بقى هو exp auto share items auto share
و زى ما واضح من الاسم فانتوا مش بس بتتشاركوا فى ال exp ده انتوا كمان بتتشاركوا فى الدهب و ال items اللى بيقع من الوحوش .... و النوع ده نادر اوى انوا يستخدم لان مفيش حد بيرضى يشارك الدهب و ال items مع حد تانى ....

النوع الرابع اكيد هيكون exp each get... item auto share
و طبعا عرفتوا معناه ايه من غير ما اشرحوا

نيجى بقى لحاجة مهمة جدا جدا فى اللعبة ...
اكيد كل اللى لعب اللعبة شاف ناس معاهم اسلحة بتنور و اسلحة حوليها نجوم و اسلحة بتطلع اشكال غريبة

دول بقى من اغلى و اندر حاجات فى اللعبة ...

اول حاجة منهم اسمها SoS و دى اختصار ل Seal of star
و دى بتخلى اى item ( weapon ,shield, armor, protector,germant )
بتخليها اقوى من ال lvl بتاعها ب 6 lvl
يعنى مثلا تخيل ان معاك سلاح بتاع lvl 16 و هو sos فهتلعب و كان بتلعب بسلاح بتاع lvl 22

تانى حاجة هو SoM و ده اختصار seal of moon
و دى بيخلى اى item اقوى ب 10lvl

تالت حاجة و دى نادرة جدا لدرجة انى مشفتهاش
اسمها SoSun او Seal of Sun
و دى بتخلى ال item اقوى ب 16 lvl

فاى حد يلاقى اى واحدة من دول اوعى يتهور و يبعها لان دول بيتباعوا باسعار غالية جدا توصل للملايين
عشان كده اللى يلاقى حاجة منهم يقولى عشان اقوله سعرها ....

نيجى بقى لحاجة تانية مهمة جدا برضة فى اللعبة اسمها ال Enchanting
انت ممكن تخلى ال lvl بتاع ال item بتاعتك اقوى من الlvl بتاعها بالكيمياء او ال Alchemy

اكيد كتير منكوا شاف حاجات اسمها elixers
فيه elixers weapon >>>> و ده بيستخدم مع الاسلحة
elixers accessory>>>> و ده يستخدم مع الجواهر سواء كانت عقد او خاتم او حلق elixer protector >.>> و ده يستخدم مع كل انواع الملابس protector germant armour elixers shield >>> و ده بيستخدم مع الدروع

و دول بردوا لو لقيتوهم متبعهمش لان ليهم اسعار خاصة

و دول بيخلوا الitem +1 +2+3+4+5+6+7+8+9
و كل ما الرقم يزيد تلاقى لو السلاح بيتغير يعنى مثلا +3 ........... white glow
+4 ......... silver glow
+5............ purple glow
+6..........red glow
+7 +8....... gold glow
+9 ........... blue greenish glow

و على فكرة ممكن تلاقوا item من دول فى ال drop برضه متبعهمش عشان بيكون ليهم سعر خاص

نيجى بقى لطريقة عمل الحاجات دى ... تدوس A بعين تختار Alchemy و تحط ال item اللى انت عايز تخليه + و تحط معاه ال elixer اللى من نفس نوعه و عشان تزود نسبة النجاح ممكن تحط معاه lucky powder بس تكون من نفس درجة ال item يعنى لو مثلا ال item 3rd degree تحط lucky powder 3rd لو 4th يبقى 4th

بعد كده تدوس joint ....و تنتظر مصير ال item بتاعتك
يا اما هيحصل ...
1- ال item ال + بتاعها يزيد و تنجح المهمة بحمد الله
2- ال enhantement fails و ممكن بدل ما ال + يزيد تلاقيه نقص
يعنى مثلا لو انت كنت +4 تلاقى نفسك بدل +5 بقيت +1
3- item broke و تفقد ال item للابد بس متخافوش دى مبتحصلش كتير

فيه بقى حاجات بتزود نسبة نجاح ال enchantemnt هتلاقوها مكتوبة تحت كل item زى
Steady ,Lucky,Immortal
Steady - The object will not lose stats if it fails. Rather it will just remain where it was.
Lucky - The object has a greater chance of a successful enchanting.
Immortal - The object can not break if enchanting fails.

ملحوظة : لو عملت شخصية في سيرفر معين مينفعش تنقلها لسيرفر تاني

يعني لو عملت شخصية في سيرفر ايجه مثلاً مش هتلاقي الشخصية الا في سيرفر ايجه و بس

هتخش السيرفر والحمد لله

هتظهرلك صفحة بينزل فيها الشخصية اللي انت عاملها

ولكن بما انك مش عامل شخصية لسه هتلاقي تحت ايكونة اسمها " Create " طبعاً تدوس عليها

واعتقد ان الباقي مفهوم

اسمك في اللعبة واللي هيظهر فوق الشخصية طول ما انت بتعلب

تختار بأه شكل الشخصية ولبسها سواء كان Armor او Protector أو Garment وممكن وانت بتعلب تغير اللبس براحتك يعني الخيارات دي عادية

تختار بأه شكل السلاح اذا كان سيف او رمح .... وطبعاً زي ما فهمناك في الاول كل سلاح وله مميزاته

طبعاً انت ممكن تغير السلاح براحتك بعد كده بس المشكلة تكمن في ال Skill

يعني المفروض ال Skill بتاعتك تتخصص في سلاح معين

يعني يا اما تتخصص Sword , Blade يا إما تتخصص Spear , Glavie يا إما تتخصص Bow

والخيارات متاحة ليك زي ما سبق وشرحنا

بالنسبة لطول وحجم الشخصية دي براحتك بأه يا كينج

ولما تخلص تعمل " Confirm " وبكده يا سيدي تبقى عملت شخصيتك

هتطلع عالصفحة الرئيسية وتضغط عالشخصية وتعمل Start

هتخش حضرتك اللعبة من جوا

هتنزل كده في ساحة قصر المدينة الاولى " Jangan "

هيطلعلك كذا شاشة مساعدة والكلام ده

انت تنفضله لان ده شغلنا

اضغط M عشان تطلع الخريطة ... اضغط عالمدينة في الخريطة عشان تطلعلك صورة مقربة للمدينة

اوصل لحد ال South Gate واطلع منها

عاوز تقفل الخريطة تضغط علامة X ولو عاوز تجيب الصورة البعيدة تاني تضغط على علامة O ودي هتلاقيها جنب علامة X

اطلع من المدينة اول حاجه هتلاقيها في وشك

هتلاقي وحوش صفر كده اسمهم Mangyang عاوزك تطلع عينهم ..

موتهم لحد ما تموت حضرتك

اي حاجه تقع منهم تاخدها مهما كانت

هتقع فلوس واكياس صفرا وحاجات حلوة كل دول تاخدهم

اضغط I هتطلعلك شاشة الشخصية بكل اللي معاك فيها

المهم تفضل تضرب وتنضرب لحد ما تموت

هتلاقي نفسك فارش عالارض

وتطلعلك شاشة وفيها ايكونتين واحدة اسهما " rescued by another player " و دي لو حد في المنطقة عنده مهارة الاحياء يقدر يوقفك تاني على رجليك والايكون التانية " return at the spicified point " ودي ترجعك المدينة

وبما انك مهارة الاحياء بتيجي لما تعلي مهارة ال force ل لفل 17 فمن النادر انك تلاقي حد يحييك

فانت ترجع بكرامتك للمدينة احسن وبعدين انت جنبها يعني هترجع تاني ان شاء الله

هتنزل في وسط المدينة

اول ما تنزل تضغط على M وتروح عند واحد اسمه drug store والله الراجل ده تروح تشتري منه Hp

وده ال Health بتاعك عشان تقعد اطول فترة ممكنة

والله انت معاك فلوس عاوزك تشتري بيها كلها HP واللي ايكونته شبه العنب الاحمر ]

طبعاً معاك حاجات لقيتها من الوحوش

انت تقف بالماوس عليهم هيطلعلك ليهم كده قايمة صغيرة تقراها ولو لقيت فيها كلمة " Alchemy " تبيعها لانك مش هتقدر تستعملها

هتلاقي في القايمة سعر الحاجه تحت لو لقيت سعرها 1 دهب اياك تبيعها لانها بتكون حاجات تبع مهمات او حاجات زي كده وانا هافهمك يعني ايه مهمات بعدين

المهم تشتري بكل الفلوس اللي معاك عنب احمر

ونيجي بأه لأهم نقطة في اللعبة بجد و فعلاً نقطة لقيت ناس وصلوا ل lvl 25 واكتر ولسه مش عارفينها

وهي ال Auto recovery يعني بيزود دمك تلقائياً

نقولك ازاي وركز معايا اوي

اضغط I تجمع ايكونات العنب الاحمر اللي انت اشتريتهم في ايكونة واحدة او اتنين على قد ما تقدر

تضغط على ايكونة العنب الاحمر كليك شمال وتاخد الايكون وتسحبها تحت في اماكن فاضية اسفل الشاشة مرقمة بأرقام من 1 ل 0 وحطها في رقم 0 مثلاً

اضغط على حرف T هيطلعلك شاشة واول اوبشن فيها هو الاوتو ريكافري بتاع ال HP

علم عليه علامة صح و حط رقم الايكون جنبها اللي انت كنت عاملها 0 او اي رقم تاني

ولو جيت تشتري Hp بعد كده تحطها في نفس المكان ولو حبيت تغير المكان تغير الاوبشن بتاع الاوتو ريكفري

وتطلع بره المدينة من البوابة الجنوبية وتفضل تضرب لحد ما تبقى lvl 3

ترجع المدينة بأه وتبدأ مهماتك او ال quests

مهارات للسلاح اللي بتستخدمه ومهارات الماجيك اللي بتستخدمه وهنشرح كل منها واحدة واحدة

بالنسبة للسلاح

1- Bicheon وده خاص بال sword وال Blade

2- Heuskal وده خاص بال Spear وال Glavie

3- Pacheon وده خاص بال Bow

طبعاً انت تختار واحد من اللي يناسب سلاحك وتعمله lvl up باستخدام ال skill point اللي بتاخدها لما تموت الوحوش

بالنسبة لمهارات الماجيك فهي 4 انواع

1- Cold

2- lightning

3- Fire

وسبق وشرحناهم في الاول

4- force

وده اللي فيه مهارة دائرة النار اللي تعتبر حماية من الوحوش وفيها مهارة الاحياء ودي اللي بتخليك تعمل res للاشخاص التانيين

وانت تختار ماجيك من الثلاثة الاولانيين وتفضل تعليهم

وتختار معاهم ماجيك ال Force وده يعتبر مهم جداً

وانا عرفتها من احد المنتديات العربية من موضوع وصل عدد صفحاته اكتر من 300 صفحة وكان بودي اجيبلكم الرابط لكن مينفعش احتراماً لقوانين المنتدى

عاوز اقولكم ان اي حد يوصل ليفل 20 هندخله معانا في الجيلد المصري اللي عاملينه وانا الماستر بتاعه لفل 43

يا رب يكون الشرح يكون وافي ومفيد ولو اي حد عايز اي حاجه واي سؤال انا موجد انشاء الله وهجاوب عليه

ملحوظه : انتظرو شرح الحضاره الاوربيه قريبااااااااااااااااااااا
ا

Admin عدد الرسائل : 3514 تاريخ التسجيل : 03/08/2007

الله على الشرح الجميل
لو واحد مبتديء في اللعبه ومشي معاك خطوه خطوه ان شاء الله يصبح محترف فيها
انا اول واحد ان شاء الله هيدخل معاك الجيلد المصري ومش بعيد اخده منك وابقى انا البيج بوس

عدد الرسائل : 11 تاريخ التسجيل : 06/08/2007

يا باشا يا حبيب قلبي انت تنور الجيلد بس انت تدخل واحنا هنقوم معاك بالواجب بزياده ومش هتبقى البج بوس بس ده احنا هنمسكك السيرفر كمااااان ههههههههههههههههههههههههه

ومشكور على ردك الجميل