rody
سجّل في : 03 أغسطس 2007
عدد المساهمات : 32
 |  موضوع: على اسم مصر -صلاح جاهين-  الخميس أغسطس 23, 2007 12:25 pm | |
| ازيكوا يا اصدقائى معلش انا عارفه انى مقصره معاكوا شويه بس معلش
عموما اللى عارفنى كويس عارف انى زى كتير مننا عاشقه لصلاح جاهين
بصراحه كده لما بيتكلم بحس ان هى دى كده مصر الشوارع واللهجه وكل حاجه
عشان كده قلت اهديكوا قصيده من روع واشهر قصائد صلاح جاهيييين
قصيدة (على اسم مصر)
من اجمل ماكتب صلاح جاهين
على اسم مصر
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر
رحـيـلاً رحـيـلاً بغيـر هـوادة
رحـيلاً فإن الـرحـيل سعـادة
عبادة
إرادة
سيادة
ولادة
رحـيـلا .. إلى أين لـيس يـهـم
ولـيس يـهـم بأي وسيـلة ..
أجيـراً بلقمـتـه في البـواخـر ..
عـلى واحـد من جيـاد القبيلة ..
على مقعـد في ذرى الجـو فـاخـر
وتمـلأ الكـأس بنت جمـيلة ..
على قدمي .. أو بفكري .. أهاجر
أبادر
أغادر
أخاطر
أسافر
ولـكـن إلى أيـن .. لـيس يـهـم
إلى حيث لا تعبـر الأفـق شمس
إلى القـطب .. أو حلقة الاستواء ..
إلى حـيث يـسمـع لـلجـن همس
إلى بـاطـن الأرض أو في الـفضـاء
إلى مـرفـأ الغـد .. أو أرض أمس
أرى كل شيء ومن أين جاء
وافعل ما قاله القدماء
من الفقراء
أو الحكماء
أو الأمراء
أو الأشقياء أو البلهاء فليس يهم
اقروها وقولوا ايه رأيكوا
_________________
 |
|
وين حبيبتى
سجّل في : 19 أغسطس 2007
عدد المساهمات : 42
| | موضوع: تعليقا على صلام جاهين الجمعة أغسطس 24, 2007 4:01 am | |
|
كلام جميل ولكن اريد ان نكتب من اعماق انفسنااا ودة لايقل من شان احد والله يوفقنااا جميعااااااااااااااااااااااااااااااااااااااااااا والله معانا جميعاااااااااااااااااااااااااااااا
|
|
ساره
سجّل في : 22 أغسطس 2007
عدد المساهمات : 778
| | موضوع: رد: على اسم مصر -صلاح جاهين- الأحد أغسطس 26, 2007 11:32 am | |
| | كلام جميل واكثر من رائع |
|
hammad
سجّل في : 02 سبتمبر 2007
عدد المساهمات : 11
| | موضوع: رد: على اسم مصر -صلاح جاهين- الثلاثاء سبتمبر 04, 2007 11:28 am | |
| شكرا على القصيده يا رودى
بجد جميله جدا
وانتى مش مقصره ولا حاجه كفايه تواجدك معانا
احمد حماد |
|
