ابليس زهق ومسافر وسايبلكو البلد

[center][b]على باب السفاره

لمحت أبليس وف أيده
أستماره

بقوله ايه على فين
قالى بص
يا هجره يا أعاره

يا عم انا كفرت زهقت
ألاقيش معاك سيجاره

أنا أنتهيت خلاص
لا بقيت وسواس ولاخناس

ولا ليا عيش وسط الناس

دى عالم مجرمين
ومش محتاجين شياطين

بقالى سنين عاطل
وأنتوا بتعرفوا تقلبوا الحق باطل

وانتوا بتقتلوا القتيل
وتسلكوا القاتل
ومفيش مشاكل

يا عم ده أنا بقيت أوسوس
بالمقلوب
وأقول للحرامى انت مش حتوب
أنت هتعمل كل الذنوب

وأنا....أبليس؟
أشتغل واعظ ولا كمسارى ف أتوبيس؟

يا عم دا أنا زمان كنت أستنى حد ينسى يسمى
وهو بيأكل لقمته

دلوقتى كل أكلكم ملوث
وبصراحه الواحد خايف على صحته

ده مفيش ضمير أساسا
علشان أموته

يا راجل دا من كتر ما لطشت معايا
خرجت ف مظـــاهره مع الناس اللى بتقول كفايه

!!وبرضـــه مفيش فايــــده

يا طير يا عالي في الســــــما طظ فيك
ما تفتكرشي ربنا مصطــــــــــــــــفيك
برضـــــــــــك بتاكل دود و للطين تعًًًًودً
تمـــــــــص فيه يا حلو .. و يمص فيك
عجبي