مركب الاشواق

موضوع: مركب الاشواق الأحد نوفمبر 18, 2007 10:41 am

[b]معاك يا مركب الاشواق
بسافر فى الهجير والنو
اعدى بحور ملانه امواج
سماها سحاب يسوى الشو
وعشان اصل الضفاف لازم
اهد ليل الظلام بالضو
أشتت فى التراب دمى
يسيل يسقى السهو والهو
يقوم شتلات تفوح غنوات
مواويل فرحه هن ضايقات
يقالدن موكب اللقيا
يكتبن فى العيون رقية
تبقى تميمة فوق الجيد
تحوى من الفراق والبين
ومن سفرا يسوقنى بعيد .,,,,
......
وآه يا شوقى لو تعرف
ليل الغربة كيف هو طويل
وكيف الآها والأنةّ
وجرح الدمعة لما تسيل
على شوفة ابوى وامى
على الزولة الطريفه كحيل
على الأخوان والخلان
و نقعد وننبسط بالحيل
على لمتنا فى الغنوات
ورقصة جدية لما تميل
وعلى ونساتنا فى الديوان
على ريحة الدعاش والنيل.
.......
ولو يا شوقى حسيته
بالنار الى جوه الجوف
بى رعشة فراق الروح
ومرة عرفته معنى الخوف
من الوحده والحرمان
ساعة بيك تحوم وتطوف
.......
كنت عرفته أيه معناك
وأيه احساسك الجواك
وليه الناس بتتعذب
وتستعذب تملى غناك
تشيلك فى عيونا دوام
وتتشهق نسيمو هواك ....[/b]

drawFrame()

روعه يا دكتوره سيوه

جميله والله