اعذرينى يامشاعر !!

يامشــاعر اعذرينــى إن نسيــت مــرة وغفيــــت
لو مقدرتــش أبــوح بيكــى أو ليكــى وداريــت

يــامشــاعر اعذرينــــى إن هربــت أو مشيــــت
أو جريــت لجــوة قلبــك منــك إنتى واتداريــت

يامشاعر اعذرينى لو اتكلمت مرة عنك أو حكيت
لو فضحتك للكـون ده كله لو فضفضت لو شكيـت

يامشاعر اعذرينى لو تعبت مرة منك أو قاسيت
لو حطيت عليكــى همى لــو جرحتــك أو آذيـت

واعذرينى يامشاعر لو مقدرتـش أخفـى دمعـى
لو زعقت أو صرخــت لو ولولـت أو حتى عويت

واعذرينى يامشاعر لو قسيت عليكى مرة أو جفيت
أو طردتك من قــاموسى لو خــاصمتك لو شكيت

واعذرينى لو خبيتك لو كتمتك لو خرصت وماحكيت
لو خنقتك لو قتلتك لو جرحتك وزدت فيها واتماديت

اعذرينى يامشاعر اصلى تعبت واتوجعت واستويت
ومعدش فـى قلبــى ركن لقصص الحب والحواديــت