اققوال في الحب بين المسلمين والمسيحيين في مصر

دي مقطوعه حلوه كتبها بديع خيري وغناها سيد درويش من مليون سنه

إن كنت صحيح عايز تخدم

مصر أم الدنيا و تتقدم

لا تقول نصراني و لا مسلم

و لا يهودي يا شيخ اتعلم

اللي أوطانهم تجمعهم

عمر الأديان ما تفرقهم

وده كلام عمنا بيرم التونسي

من عهد م القرآن هبط

نزل هنا عمرو و ربط

بينا وبينكم يا قبط

عقود وداد متسجلة

قرآن محمد قالنا

عيسى المسيح روح ربنا

و الست مريم ستنا

تنزل في أعظم منزلة

الكلام ده بكتبه بمناسبة مائدة الافطار اللي اقامتها الكنيسه في مصر ودعت اليها فنانين ورياضيين وسياسيين وازهريين ومن كل فئات الشعب مسلم ومسيحي وبصراحه كانت حاجه عظيمه خلت الواحد جسمه يقشعر من الحب اللي كان سايد بينهم وبين بعض

حاجه جميله والله وكدت ان ابكي وانا ارى احد المشايخ الازهريين بيقسم رغيف العيش مع احد القساوسه مفيش اجمل من كده وهي دي مصر

_________________