الموضة بتتغير مع فصول السنة و احيانا اسرع من كدة كمان و علشان كدة عملنا لكم الباب دة لان اجمد ناس ديما بيهتموا بالموضة رغم ان مش كل موضة بتليق لكل الناس المهم ان الواحد ينقي ستايل يليق عليه و يتابع خطوط الموضة في الستايل دة و يحاول ينقي منها اللي يليق علية و يناسبة او ممكن كمان اننا موفق
الموضة علينا يعني اظبط الموضة بحيث انها تناسبني و تناسب ظروف حياتي زي مكان شغلي و منطقتي و اخلاقي و حاجات كتير الموضة مش بس لبس و مكياج
الجديد في موضة الربيع السنة دي
البناتي :
البناتي في الربيع غالبا بيكون فانسي يعني جيبات و جونلات انسي بقي الجينز و اللبس العسكرى خليكي اميرة ،اختاري الوان زاهية و متناسقة نقشات عسولة و بناتي ،الالوان الغامقة كانت في الشتا دلوقتي الدنيا ربيع و الجو بديع
نقشات الورد و المشجر هي الارق في الربيع كمان ممكن المخطط و الكاروهات بيكون مناسب جدا بس على خلفيات فاتحة
شميز مشجر و الجيبة سبانيش سادة من نفس اللون و يا سلام لو قدرتي توفقي سكارف او منديل من نفس النقشة او قريب منها مع حزام جلد عريض و اكسسوار خفيف بالوان زاهية شفافة
بلوزات سادة مع نقش خفيف على الاكمام و الوسط و جوتلة انجليزي تحت الركبة او اطول شوية ساعات صغيرة بيضاوية و خاتم ابيض مع فص ابيض او فصوص ملونة
شفافة
الصنادل و السيور هي الموضة الاساسية للربيع رغم التراب بس بيكونوا مريحين في الحر بس طبعا الاتفاق كان على زي اميرات اختاري الكعب العالي و الوش المفتوح ،البيجات و الاحمرات هي كلمة السر
اما بالنسبة للشعر الجل و الموس مناسب جدا في الحر و الهواء لان شعرك مش هيتاثر بكل العوامل دي
الاظافر قصير و مربع ،الالوان فرنش و فواتح خلي الغوامق للبحر و الشمس في الصيف 
اما المكياج فالاصل المكياج العيون شادو فضي و اي لاينر لون زاهي بس بارد يعني ازرق اخضراو فسفوري
و للشفايف لامع و موس او جليترز مع بلشر فاتح على خفيف و سيحية تحت الشادو
طبعا في الحر دة مش مفضل كريم الاساس لان ممكن يكون لية رد فعل عكسي بس ممكن تستعملية فاضيق الحدود
الرجالي :
خلاص يا شباب الوسط الواقع بقى موضة قديمة الموضة السنة دي شوية كلاسيك يعني دخل القميص من جوة و اربط حزام انسى بقي الوسط الواقع راحت علية رغم 
ان اليوزد و الديرتي لسة في خطوط الموضة بس دلوقت البس البنطلون عدل زي زمان القمصان المخططة بالطول غامق على ارضية فاتحة او بدى بس من غير ترتر!!!! و الوان غامقة
الحزام السنة دي واخد شكل قديم شوية يمكن زي اوائل التسعينيات موضة المافيا و الحزام ببنس حديد و قفل كبير الاسود طبعا هو المفضل كالمعتاد ،تانيات البنطلون الصغيرة و الميداليات الحديد لسة في الموضة لرابع موسم
الشعر قصير زي المارينز او طويل و جيل زي موضة السنة اللي فاتت بس اطول شوية او هيبيز لك ان تختار
الجزم في الجلد الكلاسيك و الشمواه موضة علاء الدين "وش طويل و مسحوب" او جزم عسكري و هاف بوت و الاسهل انك تنقي براند جامد و تاخد احدث ستايل
المحافظ الكلاسيك الجلد رجعت تاني بس فيها جرابات للكرنية و الرقم القومي
الفضيات بانواعها على قائمة الاكسسوار الرجالي من خواتم و مادليات و سلاسل
الكابات كابات النيجر لسة شغالة و كابات الجيش كمان رجعت مرة تانية لخطوط الموضة
موضوع: الموضة بتتغير مع فصول السنة 
الخميس يونيو 12, 2008 10:27 am
